မြန်မာပြည်သစ် တည်ဆောက်ရေးအတွက်သာ ပြင်ဆင်ကြပါစို့

ယခင်က စိတ်ဓါတ်စစ်ဆင်ရေးအကြီးအကဲ အဖြစ် တာဝန်ယူခဲ့ဖူးသူ ဗိုလ်ချုပ်မှူးကြီးသန်းရွှေက သူ၏အာဏာ တည်မြဲ ရေးနှင့် နိုင်ငံကို အကြောက်တရားဖြင့် ဆက်လက်အုပ်ချုပ်ထားနိုင်ရေး အပေါ်တွင်သာ အာရုံထားနေသည်။

သူက ဆိုင်ကလုန်းမုန်တိုင်းဒဏ်ခံရသည့် ပြည်သူများအပေါ် စိတ်ဝင်စားမှု မရှိသလို၊ ၀မ်းနည်းကြောင်းမှတ်တမ်းလည်း ဖော်ပြခဲ့ခြင်း မရှိ၊ မုန်တိုင်းကပ်ဘေးသင့် ဒေသများသို့ လှည့်လည်ကြည့်ရှုခြင်းလည်း အလျဉ်း မရှိပါ။ လွန်ခဲ့သည့် ၆-ရက် နာဂစ် ဆိုက်ကလုန်းမုန်တိုင်း မြန်မာနိုင်ငံ၏ အဓိကကျသော ဒေသများကို ဖြတ်သန်းတိုက်ခတ်ပြီးသည့် အချိန်မှစ၍ ဗိုလ်ချုပ်မှူးကြီး လူမြင်ကွင်းမှ ပျောက်နေခဲ့သည်။

ဗိုလ်ချုပ်သန်းရွှေနှင့် သူ၏မိသားစုဝင်များ၊ ခေါင်းမာဂိုဏ်းသား နောက်လိုက်များက သူတို့ကံကောင်းထောက်မစွာ နေပြည် တော်သို့ ကြိုတင်ပြောင်းရွှေ့ထားနိုင်ခဲ့သည့်အပေါ်တွင်ပင် ဂုဏ်ယူချီးကျူးနေကြပေလိမ့်ဦးမည်။ မြန်မာနိုင်ငံအလယ်ပိုင်းရှိ ၎င်းနေရာသို့ ၂၀၀၅ ခုနှစ်က လူထုကို ကြိုတင်အသိပေးခြင်း မရှိဘဲ ပြောင်းရွှေ့ခဲ့ခြင်းလည်း ဖြစ်သည်။

အိမ်နီးချင်းနိုင်ငံများသို့ သဘာဝဓါတ်ငွေ့နှင့် သဘာဝ အရင်းမြစ်များရောင်းရငွေများဖြင့် သူက ဒေါ်လာ သန်း ၁,၀၀၀ ကျော် သုံးစွဲ၍ တောတောင်ထဲတွင် မြို့တော်သစ်တည်ခဲ့သည်။ ရန်ကုန်တွင်ဆက်နေလျှင် သဘာဝကပ်ဘေးဒဏ်၊ လူထု မငြိမ် မသက်မှုများ ကြုံရနိုင်သည်၊ သို့အတွက်ကြောင့် ဤသို့ မြို့သစ်တည်ရန်လည်း သူ၏အခါပေး ဗေဒင်ယတြာဆရာများက ယခုလို တိုက်တွန်းခဲ့ကြသည်ဟု ကောလာဟလများက ဆိုကြသည်။

ဗိုလ်ချုပ်သန်းရွှေ ဆိုင်ကလုန်းနာဂစ်ဒဏ်မှ လွတ်မြောက်ခဲ့သော်လည်း၊ သူ၏ နောက်ဆုံးနေ့ရက်များဖြစ်နေပြီ ဆိုသည့် အချက်ကိုမူ ကျော်လွှား လွတ်မြောက်နိုင်လိမ့်မည် မဟုတ်ပါ။

ဧရာဝတီမြစ်ဝကျွန်းပေါ်ဒေသနေ ပြည်သူများကို သင့်လျော်သည့် မုန်တိုင်းသတိပေးမှုများ လေးလေးနက်နက် ဆောင်ရွက် ရန် ပျက်ကွက်ခဲ့ပြီးနောက်၊ ယခုအခါ ဗိုလ်ချုပ်သန်းရွှေက ဆိုင်ကလုန်းမုန်တိုင်းကပ်ဘေးသင့် ပြည်သူများသို့ ကုလသမဂ္ဂ၊ နိုင်ငံတကာ အစိုးရများနှင့် နိုင်ငံတကာအဖွဲ့အစည်းများ၏ အကူအညီမရောက်နိုင်အောင် ပိတ်ပင်တားဆီးနေခြင်းဖြင့် လူသားချင်းစာနာမှုကို ချိုးဖောက်သည့် ရာဇ၀တ်မှုကြီးကို ထပ်မံကျူးလွန်နေပြီ ဖြစ်သည်။

ဤလုပ်ရပ်ဖြင့် သူက မည်သည့်လူစားမျိုး ဖြစ်သည်ကို ကမ္ဘာက သိရှိအောင်ပြသခဲ့ပြီး၊ စိတ်ဖောက်ပြန် အာဏာရူးနေသူ ဖြစ်ကြောင်းလည်း သိစေခဲ့သည်။ သူ့လူထုများကို ဓားစာခံအဖြစ် သေနတ်ထောက် ချုပ်ကိုင်ထားသူတဦးဖြစ်ပြီး၊ နိုင်ငံကို ဆက်လက်အုပ်ချုပ်ရန် လုံးဝမသင့်တော်တော့သူ တဦးလည်း ဖြစ်သည်။

ဤဆိုင်ကလုန်းမုန်တိုင်းက ခေတ်မီဖွံ့ဖြိုး တိုးတက်သည့် နိုင်ငံတော်သစ် တည်ဆောက်နေကြသည်ဟု ကြွေးကြော်နေ သော ဗိုလ်ချုပ်သန်းရွှေ၏ စစ်အစိုးရ၏ မျက်နှာဖုံးကိုလည်း ဆွဲခွါချလိုက်သည်။ ဤသို့ နိုင်ငံအပေါ် မုန်တိုင်းကျရောက် ဖျက်ဆီးစေ ခဲ့မှုအတွက် သူတို့တွင် လုံးဝတာဝန်ရှိပြီး၊ ဤကိစ္စအတွက် တရားသဖြင့် စီရင်ခံကြရမည် ဖြစ်သည်။

ဤစစ်အစိုးရ ပြိုကျပျက်စီးသွားပြီးနောက် မည်သို့ ဖြစ်ပေါ်လာမည်နည်းဟူသည့် မိုးပြိုမည်ကို တွေးကြောက်နေသည့် မေးခွန်းများဖြင့်လည်း စိုးရိမ် ကြောက်လန့်နေဖွယ် မရှိတော့ပါ။ နိုင်ငံတော်ကြီး ပြိုကွဲလိမ့်မည်၊ မည်သူက ဦးဆောင်ပါမည် နည်းဟူ၍လည်း ပူပန်နေရန် မလိုတော့ပါ။

ဤမေးခွန်းများကို နိုင်ငံရပ်ခြား ကျွမ်းကျင်သူများနှင့် စစ်အစိုးရ အလိုကျလိုက်ပြောနေသူများ၊ ဗိုလ်ချုပ်သန်းရွှေ အလိုကျ ဘောင်းတော်ညိတ် စိတ်တော်သိ လုပ်နေသူ အခွင့်အရေးသမားများ၊ စစ်အစိုးရနှင့် ပူးပေါင်းဆောင်ရွက်ရန် ဘယ်အခါမှ မပျက်ကွက်ခဲ့ကြသူ ငို့ဘသမားများ ဆက်လက် ဆွေးနွေးငြင်းခုန်ကြရန် ထားလိုက်သည်က ပိုကောင်းပါသည်။

သေချာသည့်အချက်မှာ မြန်မာပြည်သူများက ဖိနှိပ်အုပ်ချုပ်နေသည့်၊ အကြင်နာတရားလုံးဝမရှိဘဲ ပြည်သူကို ဂရုမစိုက် လျစ်လျူရှုထားသည့် စစ်အစိုးရမျိုး ကို မလိုလားကြတော့ပါ။ လူထုများ၏ ဒေါသရေချိန်ကို တွက်ဆရန် အကဲဖြတ်လေ့လာ ရေးအသင်းများ၊ အကြံပေးများ စေလွှတ်နေရန် မလိုတော့ပါ။ မြန်မာပြည်သူတို့က အလွန်အကျူး စိတ်ပျက်နေကြပြီး၊ စစ်အစိုးရကို ချက်ချင်းလက်ငင်း ဖြုတ်ချဖယ်ရှားလိုနေကြပါသည်။

မိမိတို့ အဓိကထားပြောနေသည်မှာ လက်နက်ကိုင် တပ်သားများအပါအ၀င်ဖြစ်သည့် မြန်မာပြည်သူလူထု ၅၄ သန်းကို ချုပ်ကိုင်ထားသည့် တဒါဇင်မျှသော ခေါင်းမာဂိုဏ်းသားများနှင့် သူတို့၏ လက်ဝေခံများ ဖြစ်သည်။ အကယ်၍ ဤအုပ်စုကို သာ မြင်ကွင်းမှ ဖယ်ရှားလိုက်ပါက မြန်မာပြည်သူများအတွက် ဒုက္ခအပေါင်းမှ အများကြီး သက်သာသွားလိမ့်မည် ဖြစ်သည်။ သာမန်စစ်သားများနှင့် အရာရှိများလည်း လွတ်လပ် ပေါ့ပါးသွားကြပါလိမ့်မည်။

စိုးရိမ်ပူပန်နေဖွယ် မရှိပါ။ ဗိုလ်ချုပ်သန်းရွှေ စစ်အစိုးရရှိ ခေါင်းဆောင်များနေရာတွင် အစားထိုးနိုင်ပြီး၊ နိုင်ငံကို စီမံခန့်ခွဲနိုင် သူ များစွာ ရှိနေပါသည်။ ထိုသူများမှာ လူမသိ သူမသိ ဖြစ်ချင် ဖြစ်ပါလိမ့်မည်။ သို့သော်လည်း ထိုသူများမှာ နိုင်ငံ၏ နိုင်ငံ ရေး၊ စီးပွားရေး အကျပ်အတည်းကာလများကြားထဲမှ မွေးဖွားပေးလိုက်သူများ ဖြစ်ပါသည်။

ဤနိုင်ငံခေါင်းဆောင်သစ်များသည် အိမ်အကျယ်ချုပ်၊ ထောင်အတွင်းနှင့် ပြည်ပတွင် ရှိနေကြပြီး၊ လက်ရှိ မုန်တိုင်း ကပ်ဘေးသင့် ပြည်သူများကို ကူညီနေကြသူများထဲတွင်လည်း ရှိနေကြပါသည်။

အမည်အချို့ ချရေးကြည့်ကြပါစို့။ မြန်မာပြည်တွင်းရှိနေကြသည့် ခေါင်းဆောင်အလာအလာရှိနေသူ အချို့ကို ဖော်ပြရလျှင်...

ကျောင်းသားခေါင်းဆောင် ကိုမင်းကိုနိုင်၊ တက်ကြွလှုပ်ရှားသူများ ဖြစ်ကြသည့် ကိုကိုကြီး၊ ကိုဂျင်မီ၊ ကိုဌေးကြွယ်၊ ကိုမင်းဇေယျ၊ ကိုပြုံးချို၊ အလုပ်သမား အရေး လှုပ်ရှားနေသူ မစုစုနွေး၊ ရှမ်း အမျိုးသားခေါင်းဆောင် ခွန်ထွန်းဦး၊ ရခိုင် နိုင်ငံရေးခေါင်းဆောင် ဦးအေးသာအောင်... စသဖြင့် ရှိနေကြပါသည်။

အခြားခေါင်းဆောင်များတွင် ဇိုမီးအမျိုးသားကွန်ဂရက်ပါတီ ဥက္ကဋ္ဌ ဦးကျင့်ရှင်းထန်၊ တိုင်းရင်းသားလူမျိုးများ ဒီမိုကရေစီ အဖွဲ့ချုပ် (UNLD) မှ ဦးထောင်ခိုထန်း၊ ကရင်အမျိုးသား အစည်းအရုံး (KNU) နှင့် မွန်ပြည်သစ်ပါတီ (NMSP) ခေါင်းဆောင် များလည်း အပါအ၀င် ဖြစ်သည်။

ထိုမျှမက အမျိုးသားဒီမိုကရေစီအဖွဲ့ချုပ် (NLD) မှ ရွေးချယ်ခံ ပြည်သူ့လွှတ်တော်ကိုယ်စားလှယ်များနှင့် ပြည်ပရောက် အစိုးရ အဖွဲ့ဝင်များသည်လည်း မြန်မာပြည်သစ် ပြန်လည်မွေးဖွားပေါ်ထွန်းရေးအတွက် တတပ်တအား ဦးဆောင်ကြိုးပမ်း နိုင်သူများ ဖြစ်ကြပါသည်။

ပြည်ပရောက်နေသူများအနက် ရှမ်း အမျိုးသမီးလှုပ်ရှားသူ နန်းချမ်ထောင်း၊ "မြန်မာနိုင်ငံ၏ မာသာ ထရီဇာ" ဟု လေးစားစွာ တင်စားခေါ်ဆိုနေကြသည့် ဒေါက်တာစင်သီယာမောင်၊ ထင်ရှားသည့် နိုင်ငံရေးသမားများနှင့် လှုပ်ရှားသူများဖြစ်ကြသည့် ဒေါက်တာသောင်းထွန်း၊ ကိုအောင်ဒင်၊ ဒေါက်တာဇော်ဦး၊ ဦးသန့်မြင့်ဦး၊ ဦးဟန်ညောင်ဝေ၊ ကိုအောင်နိုင်ဦး၊ ကိုဝင်း မင်းတို့သည်လည်း ပြည်လည်တည်ဆောက်ရေးလုပ်ငန်းတွင် အဆင်သင့် ပူးပေါင်းပါဝင်နိုင်သူများ ဖြစ်ကြပါသည်။

ဤစာရင်းများ ဆက်ရလျှင် နည်းပညာပံ့ပိုးပေးမည့် ပညာရှင်များအပိုင်းတွင် စီးပွားရေးပညာရှင်များ၊ သံအမတ်ဟောင်းများ၊ ယခင် တပ်မတော်တာဝန်ယူဖူးကြပြီး လက်ရှိစစ်အုပ်စုနှင့် ခပ်ကင်းကင်း နေနေကြသည့် စစ်တပ် အရာရှိဟောင်းများ ရှိနေ ကြပြီး ထိုသူများကလည်း မြန်မာပြည်သစ် ပြန်လည်တည်ဆောက်ရေးအတွက် ကူညီလိုကြပါသည်။

အမျိုးသားဒီမိုကရေစီ အဖွဲ့ချုပ် (NLD) ထဲ၌ပင် ယခင် အဆင့်မြင့်တာဝန်ယူဖူးကြသူများ၊ စစ်အရာရှိဟောင်းများ ပါဝင်နေပြီး ထိုသူများက အပြောင်းအလဲဖြစ်ပေါ်စေရန် ရုန်းကန်လှုပ်ရှားနေကြပါသည်။ (NLD) ပါတီ၏ ဒု-ဥက္ကဋ္ဌ ဗိုလ်ချုပ်ကြီးဟောင်း ဦးတင်ဦးသည် ယခုအခါ အိမ်အကျယ်ချုပ် ကျခံနေရပြီး၊ အခြား အဆင့်မြင့်ခေါင်းဆောင်များနှင့် အတူ ပါတီကို ဦးဆောင် နေကြပါသည်။ ထိုမျှမက များစွာ ရှိနေပါသေးသည်။

သေချာသည့်အချက်မှာ ထိုသူများက မြန်မာနိုင်ငံ၏ အိမ်နီးချင်းနိုင်ငံများ၊ နိုင်ငံတကာမိသားစုနှင့် လက်တွဲဆောင်ရွက်နိုင် ကြရာ မြန်မာပြည်သူများ၏ အသက်ကို ကာကွယ်နိုင်ရုံမျှမက ဒီမိုကရေစီ၊ လွတ်လပ်ခွင့်များနှင့် ကြွယ်ဝချမ်းသာမှုများကို လည်း မြန်မာနိုင်ငံသို့ ပြန်လည် ဆောင်ကျဉ်းပေးနိုင်သူများ ဖြစ်ကြပါသည်။

ထိုမျှမက အကယ်၍ အရေအတွက် ၂, ၀၀၀ မျှရှိသည့် မြန်မာနိုင်ငံ၏ နိုင်ငံရေးအကျဉ်းသားများကိုသာ ယနေ့ ပြန်လွှတ်ပေး ခဲ့ပါက မြန်မာနိုင်ငံကို ဦးဆောင်နိုင်သူ အမျိုးသား၊ အမျိုးသမီးများစွာ ပေါ်ထွက်လာဦးမည် ဖြစ်ပါသည်။

ဒေါ်အောင်ဆန်းစုကြည်က မည်သို့ရှိမည်နည်း။

သူက နောက်ဆုံးပြုခဲ့သည့် ထုတ်ပြန်ကြေညာချက်တွင် နိုင်ငံရေးအာဏာအတွက်၊ ရာထူးအတွက် မမက်မောကြောင်း ရှင်းလင်းစွာ ထုတ်ပြန်ပြောဆိုခဲ့ပြီး ဖြစ်ပါသည်။

ကုလသမဂ္ဂ အထူးသံ အီဗရာဟင် ဂမ်ဘာရီက တိတ်တဆိတ် ခိုးထုတ်ယူဆောင်လာရသည့် သူမ၏ ထုတ်ပြန်ကြေညာ ချက်တွင် " ဒီမိုကရေစီ လူမှုလူ့ဘောင်အတွင်းရှိ နိုင်ငံရေးပါတီများ၏ အရေးပါသည့် အခန်းကဏ္ဍကို လုံးဝအသိအမှတ် ပြုပါသည်။ မိမိပါတီဝင်များ၏ ကိုယ်ကျိုးစွန့် အနစ်နာခံဆောင်ရွက်မှုများကိုလည်း လေးစားချီးကျူးပါသည်။ ပါတီ၏ အထွေထွေအတွင်းရေးမှူး တဦးအနေဖြင့် မိမိကို ပါတီ၏ မူဝါဒများနှင့် အမျိုးသားဒီမိုကရေစီအဖွဲ့ချုပ်၏ လိုလားချက်များက လမ်းညွှန်နေပါသည်။ သို့ရာတွင်လည်း ယခုအချိန်သည် ဒီမိုကရေစီ အင်အားစုများအတွင်း ညီညွတ်ရေးနှင့် သွေးစည်းညီ ညွတ်ရေး လိုအပ်နေသည့်အချိန်ဖြစ်ရာ မိမိအနေဖြင့် ဖြစ်နိုင်သမျှသော အကျယ်အပြန့်ရှိနေသည့် နိုင်ငံရေး အင်အားစုများ၏ အမြင်သဘောထားများနှင့် အကျိုးစီးပွားများကိုလည်း အမြဲတစေ လေးနက်စွာ ထည့်သွင်းစဉ်းစားရမည် မှာ မိမိတာဝန် ဖြစ်ပါသည်။ အထူးသဖြင့် မိမိတို့နိုင်ငံ၏ တိုင်းရင်းသားလူမျိုးများ၏ ဆန္ဒကို ထည့်သွင်း၍ လေးနက်စွာ စဉ်းစားရန် ဖြစ်ပါသည်" ဟု ဖော်ပြထားပါသည်။

ဒေါ်အောင်ဆန်းစုကြည်နှင့် ဗိုလ်ချုပ်သန်းရွှေကို မနှိုင်းအပ်ပါ။ ငြိမ်းချမ်းရေး နိုဘယ်ဆုရှင်အနေဖြင့် အာဏာကို မျှော်မှန်း ထားခြင်းလည်း မရှိပါ။

သို့သော်လည်း ဒေါ်အောင်ဆန်းစုကြည်၏ အခန်းကဏ္ဍက ထိုထက်ပို၍ ကြီးမြင့်ပါသည်။ အမျိုးသား ရင်ကြားစေ့ရေးလုပ် ငန်းများတွင် အဓိက အခန်းကဏ္ဍက ပါဝင်ဆောင်ရွက်နိုင်ပါသည်။ နိုင်ငံကို ပြောင်းလဲလိုသည့် စစ်တပ်အတွင်းရှိ သဘော ထားပျော့ပြောင်းသူ စစ်အရာရှိများ၊ ဖက်ဒရယ် ပြည်ထောင်စုအတွက် တောင်းဆိုနေသူ တိုင်းရင်းသားခေါင်းဆောင်များ အကြား ဆွေးနွေးညှိနှိုင်းပေးနိုင်ပါသည်။

တိုင်းမ် (Time Magazine) မဂ္ဂဇင်းက ဒေါ်အောင်ဆန်းစုကြည်ကို ကမ္ဘာပေါ်တွင် သြဇာအကြီးဆုံး လူ (၁၀၀) စာရင်းတွင် မကြာသေးမီက ထည့်သွင်း ရွေးချယ်ဖော်ပြခဲ့ပြီး၊ ယခုတိုင် မြန်မာနိုင်ငံ၏ တည်ငြိမ်ရေး၊ ကြွယ်ဝချမ်းသာရေးနှင့် ညီညွတ် ရေးကိစ္စများတွင် လမ်းပြအလင်းတန်းသဖွယ် ဖြစ်နေပါသေးသည်။

မကြာသေးမီက အဖြစ်အပျက်များကိုကြည့်လျှင် မေလ ၁၀ ရက်နေ့တွင် ကျင်းပမည်ဟု လျာထားသည့် ဖွဲ့စည်းပုံ အခြေခံ ဥပဒေဆိုင်ရာ ဆန္ဒခံယူပွဲကို ရွှေ့ဆိုင်း၍၊ မြန်မာစစ်အစိုးရက ကြောက်မက်ဖွယ် ဆိုက်ကလုန်းမုန်တိုင်း ကပ်ဘေးဆိုးကြီး သင့်ခဲ့ရသူများအတွက် ကယ်ဆယ်ရေး၊ သက်သာချောင်ချိရေး ကိစ္စများကို အပူတပြင်း ဆောင်ရွက်ရမည့်အချိန် ဖြစ်ပါ သည်။

ကုလသမဂ္ဂ အထွေထွေအတွင်းရေးမှူးချုပ် ဘန်ကီမွန်ကလည်း မြန်မာပြည်သူများ သက်သာချောင်ချိရေးနှင့် ပတ်သက်၍ စိုးရိမ်ပူပန်ကြောင်း ဖော်ပြခဲ့ပြီး၊ စစ်အစိုးရက ဆန္ဒခံယူပွဲ ရှေ့ဆက်ဆောင်ရွက်မည်ဟူသည့် ဆုံးဖြတ်ချက်အပေါ် မှတ်ချက်ချ ခဲ့ပါသေးသည်။ စစ်အစိုးရ မုန်တိုင်းဒဏ်ခံရသည့် နေရာအချို့တွင် ဆန္ဒခံယူပွဲကို ရွှေ့ဆိုင်းခြင်းမှအပ ကျန်နေရာများတွင် ဆက်လုပ်ခဲ့ပါသည်။

" ယနေ့ မြန်မာနိုင်ငံ ကြုံတွေ့ခံစားနေရသည့် ကပ်ဘေးဒုက္ခ အတိုင်းအဆကို ကြည့်ခြင်းအားဖြင့်၊ မည်သို့ဆိုစေ၊ ကုလ သမဂ္ဂ အထွေထွေအတွင်းရေးမှူးချုပ် အနေဖြင့် ယုံကြည်သည်မှာ ရရှိနိုင်သမျှသော အရင်းအမြစ်များ၊ စွမ်းအားများကို အရေးပေါ် တုံ့ပြန်ကူညီရေးကိစ္စများတွင်သာ စုစည်းအာရုံထားဆောင်ရွက်သည်ကသာ ပို၍ လက်တွေ့ကျ အဓိပ္ပါယ်ရှိပေ လိမ့်မည်" ဟု ကုလသမဂ္ဂ အကြီးအကဲက ထုတ်ပြန် ပြောဆိုခဲ့ပါသည်။

လူ့အခွင့်အရေး လေ့လာစောင့်ကြည့်ရေးအဖွဲ့ (Human Rights Watch) က ထုတ်ပြန်ကြေညာချက်တွင်လည်း မြန်မာ စစ် အစိုးရအနေဖြင့် ဖွဲ့စည်းပုံ ဥပဒေဆိုင်ရာ ဆန္ဒခံယူပွဲကို ရွှေ့ဆိုင်းထားသင့်ကြောင်းနှင့် အကူအညီပေးရေး ကြိုးပမ်းချက်များ ကို ပိတ်ဆို့နေမှုများ ရပ်တန့်သင့်ကြောင်း၊ နိုင်ငံတကာ အကူအညီပေးရေး အေဂျင်စီများသို့ ကန့်သတ်ထားချက်များကို ဖယ်ရှား ရုပ်သိမ်းပေးသင့်ကြောင်း တိုက်တွန်းခဲ့ပါသည်။ သို့မှသာ ၎င်းတို့က အသက်ရှင်ကျန်ရစ်သူများအတွက် ချက်ချင်း တုံ့ပြန်ဆောင်ရွက်နိုင်ကြမည် ဖြစ်ပါသည်။

သို့သော်လည်း ဗိုလ်ချုပ်သန်းရွှေ၏ စစ်အစိုးရက နားမ၀င်ခဲ့ပါ။ ဤသို့ ကျိုးကြောင်းဆီလျော်သည့် မေတ္တာရပ်ခံချက်များကို နားမထောင်နိုင်ကြပါ။ ရန်ကုန်မြို့ အပါအ၀င်၊ ဆိုင်ကလုန်း မုန်တိုင်းကပ်ဘေး အပြင်းအထန်သင့်ခဲ့ရသည့် မြန်မာနိုင်ငံ အနောက်တောင်ပိုင်းရှိ မြို့နယ် (၄၇) ခုတွင် မေလ ၂၄ ရက်နေ့မှ မဲပေးရန် ရွှေ့ဆိုင်းခဲ့ခြင်းသာ ဆောင်ရွက်ခဲ့ပါသည်။

ဤသို့ ကပ်ဘေးဒုက္ခများ ခံစားနေရစဉ်မှာပင် ဗိုလ်ချုပ်သန်းရွှေနှင့် ၎င်း၏ ခေါင်းမာဂိုဏ်းသား ဗိုလ်ချုပ်များ၊ ၀န်ကြီးများက သူတို့အလိုကျ ရေးဆွဲထားသည့် ဖွဲ့စည်းပုံ ဥပဒေကို အတည်ပြုရေး လိုလားနေကြပါသေးသည်။
ဗိုလ်ချုပ်သန်းရွှေက အာဏာကို ဆက်လက်တွယ်ဖက်နေပြီး၊ ၎င်းပြည်သူများ၏ တောင်းဆိုချက်များကို ငြင်းပယ်နေသမျှ၊ လူအများနှင့် တူတူတန်တန်ဖြစ်သည့် ရည်မွန်မှု ပြသရန် တောင်းဆိုနေသည့် ယဉ်ကျေးမှုရှိသော လူ့ကမ္ဘာ အသိုင်းအ၀ိုင်း ၏ တောင်းဆိုချက်များကို လျစ်လျူရှုနေသမျှ၊ မြန်မာပြည်သူများ၊ ကမ္ဘာ့ မိသားစုဝင်များ၊ အစိုးရများ ပူးပေါင်းဆောင်ရွက်၍ မြန်မာပြည်သားများ၏ အသက်များ၊ ဘ၀များနှင့် မြန်မာပြည်တခုလုံးကို ကယ်တင်နိုင်ရန် အခြားဖြစ်နိုင်သည့် နည်းလမ်း များဖြင့် ကြိုးပမ်းကြရတော့မည့် အရေးအကြီးဆုံး အချိန်သို့ ဆိုက်ရောက်နေပြီ ဖြစ်ပါကြောင်း..။